PIXAR 25 years of animation 【第二回】

前一個星期五，
Bryan 同堂家姐 & 表哥到咗大伯屋企過夜，
第二日家姐提議去文化博物館睇彼思動畫展...
Bryan 雖然睇過都話一定要去
我因為上回要趕去兒童探知館而睇得有 D 走馬看花，
所以最後我都跟埋去
上次冇影三眼仔，補番張先

上次好多原畫立吓就算，今次哄埋個頭去睇.... 爽




【完】

彼思動畫25年 PIXAR 25 years of animation

Bryan 係巴斯迷，
今次以香港為首站「彼思動畫25年」巡迴展梗係不容錯過。
呢個展覽喺沙田文化博物館舉行，
都算方便我哋呢 D 新界人





是日為周六，
我同 Bryan 中午時候到達，
人眾唔算太多，
每個影相位大概三四個家庭輪流影相留念...
第一時間搵至愛巴斯光年，
之前見有網友post 出嚟相係有鐵鍊圍住，好彩唔係啫








唔好以為冇人排隊影相，
只不過眼見所有家長都係隊個小朋友去巴斯同胡迪小腿處，
所以只要離遠少少就可以拍到佢哋半身像








以下幾幅都要相當耐性（特別係指Bryan ），
要等所有人走出畫面一剎按快門

之後入場就唔比影相 lu...
我哋以急促步伐匆匆睇完呢個展，
因為要趕去下一場
去邊?
欲知後事如何，請看下回分解 
後感︰個人覺得呢個展相當好睇
（之前有朋友朋友去過話冇嘢睇，
可能因為有咁心理準備之下去睇有驚喜）
場內《反斗奇兵》幻影箱加埋「藝術風景」呢個十五分鐘短片已經值回票價，
雖則我哋冇睇幻影箱，因為同迪士尼入面果個一樣...
我尤其喜歡彼思動畫角色雕塑，
好正，真係想據為己有...




【待續】