【DAY 4】二十世紀梨紀念館

食完美味Pancake，
原訂旅程係去「恋山形」車站打吓咭，
但因之前風災影響，
列車有延誤，
所以放棄行程，
提早去二十世紀梨紀念館，
咁明天行程就可以鬆動啲

倉吉站轉巴士直達(三日pass包)

館前有手信店

持「暢遊漫畫王國鳥取周遊券」免費入場

試吓味先

第一次試味覺得新雪好食啲，

再次一試覺得王秋至係皇者😁

Bryan最初揀愛宕，最後又話王秋最好😄

周圍睇吓

替梨套袋體驗

我哋笠頭套影相花咗唔少時間😂

小小朋友喺度放電

離開紀念館買支梨汁飲，完美

【DAY 3】 白兔神社 & 白兔海岸

DAY 3

今日換酒店，
晨早出發去鳥取

鳥取站觀光導覽所買定明天起使用嘅鳥取藩のりあいばす乗放題手形，
佢話木牌手形要即日買至有，
預先買只有紙卡版， 只好借個木牌影張相過過乾癮😜

今日坐2000日圓的士(每人，12歲或以下免費)，
包車三小時，
喺鳥取站北口附近嘅鳥取市國際觀光客服務中心申請

國際觀光客服務中心有幾條路線供大家參考，
我揀咗3，
再問幫手預約的姨姨如果外加一個行程有冇問題，
衡量過後姨姨話No problem

幫手預約係一名中國籍姨姨，
因為好傾，
就唐突問佢可唔可以幫手預約一部靚仔啲嘅的士?
姨姨真係預約到一部結緣的士比我哋，
可惜只得一部，
團友們識做讓比我哋一家坐😘

呢幾日酷熱非常，

呢幅圖令人情緒不安😰

結緣的士司機大哥村上san 非常熱情，
使用平板翻譯猛撩我哋傾計，
拼命介紹鳥取風土人情，
去到呢度突然停車叫我哋落車影相，
我哋好似鴨仔咁比佢趕落車然後被合照...
不過望落風景都唔錯

最後，
終於到達第一個目的地 - 白兔神社

村上san 帶隊睇白兔海岸，
另一名司機大哥樂得清閒，
聽團友講，
佢哋果位司機大哥全程一言不發，

可能有番咁卡下優質服務至有資格楂結緣的士

白兔海岸好靚

跟住去白兔海岸嘅遊客休息中心

兔駅長😂

翻轉頭去白兔神社，

經過告示牌，

村上san 指住海報話我哋聽，鳥取得三架結緣的士...

咁我哋咪幾好彩?!

村上san敬業樂業嘅背影令人感動

村上san 親身示範正確做法

之後教埋Bryan應該點參拜

啟程下一站