校定鬧鐘，諗住落樓下影日出，
點知太陽伯伯冇出現。
把心一橫，
一條冷行去距離1.2公里嘅蔓橋
我喺蔓橋出口影咗幾張，
突然有個日本男子越過身前行去蔓橋，
咦?! 想行霸王橋??
正心諗要等佢過咗對面至可以再影，
點知突然有響遍山谷嘅勁大播咪聲，
嘰嘰咕咕嘅日文我當然唔識，
但都知係話緊個日本人，
只見佢好鬼尷尬走番轉頭😂
我都估唔到朝早6點就已經開工賣門票。
比個架佬刺激咗，
突然好想行，
就去番入口買門票
有大嗌嘅衝動😲
老實張張相差唔多咁，但係忍唔住係咁按失打😚
條罅真係幾闊，玩吓青蛙跳會幾爽😁
我愛祖谷💕
早知迫老婆同阿仔起身陪我，一定影爆咭😫
返酒店再浸多次日本三大秘湯之一，
爽歪歪~
【待續】
到達日本三大奇橋 – 祖谷蔓橋
嘩，乜咁多人😱
條罅又真係闊過二重橋，扶實行安心啲
因為太多人，基本唔停得低影相，
只好快快過橋，影低老婆阿仔果橋一刻
照睇橋個空隙位闊過呢個小朋友嘅腳掌，
所以驚都係正常嘅😁
過完橋不遠處就係琵琶瀑布，
過去望望先
Tea time!
カフェ森のくまさん -- 呢間café 就喺蔓橋出入口附近，
有晒地理優勢
吸引我嚟呢度，
係可以餵野鳥
Café 提供鳥飼
餵鳥可以慢慢嚟，填飽個肚先，
咦，乜呢件碎蛋飛碟咁好味嘅
Bryan 點嘅東洋西多士都十分惹味
水蜜桃特飲，賣飛佛，掂
飲完嘢出餐廳露台拎鳥飼餵雀，
等幾分鐘都冇雀幫襯，
老細突然拎部ipad 行埋嚟，
話11月至5月至比較多雀，
然後比佢啲客人成功餵雀嘅視頻我睇，
證明佢所言非虛，
殘念啊~~
【待續】
