【DAY 13 】告別東北夏祭之旅

返上野，仲有些小時間，
去阿美橫町買手信加生果

一心去百果園買生果，點知冇開
附近行咗轉好似得兩間賣生果，求其去咗一間，
買咗兩箱桃，仲成功講價，點知返嚟食完全唔掂，中伏😩
鏡頭一轉去到機場，
求其搵間食

普普

13日旅程彈指而過，慶幸上天待我不薄，
天氣一直都算唔錯，
影相亦過足癮 
(不過老婆講足一句呢次影相少咗，
我至醒起今次掛住影景影祭典，確實影少咗佢哋)

希望嚟緊11月撇甩阿仔嘅老婆生日快閃旅行亦順順利利啦😁



【全卷完】

【DAY 6】奧入瀨溪流

跟住遊奧入瀨溪流，
由於時間關係，冇辦法用健行方式，
所以都係以蜻蜓點水方式，去到景點停一停車，
影下相打下卡就閃人。

第一個景點係佢，唔知叫乜😝

發覺呢度有幾堆呢啲疊石，好似疊起係幸運之類?

呢個我知，叫銚子大瀑布，
我同司機大佬，停低兩度比我影下相就OK，佢就係其一😁

其二係佢

以下溝亂晒啲名，
就當係其他啦

比預定用多咗時間，本來下個行程係去八食中心，
但係大家個肚都有啲餓，
就喺道之駅食少少嘢打個底

環境唔錯

大家分食意粉、炒飯

話說我哋每人叫咗一杯蘋果汁，但嚟少一杯，
撞鬼佢搵唔番張單(定係佢冇比我?)，
對唔到係我叫漏咗定佢比少咗我，
於是出去再叫多杯，
點知食食下，兩個姐姐一齊出嚟洒晒冧咁，
嘰里咕嚕講堆嘢然後比晒350 Yen我，
唔係奇怪佢哋比番錢我，
係佢哋誠懇道歉態度令我好佩服👍