是日總算風和日麗，
冇去千陽號嘅團友已經等緊我哋，
不過行過見到呢個騎馬機幾過癮，
又比班馬騮玩埋先
我哋都玩咗幾個遊戲，
大多偏舊，
失望。
唯一一個叫 Grand Odyssey (偉大航程) 幾過癮，
首先用機器將你臉部立體掃描，
將你變成動畫其中一個角色(隨機)，
我哋人數眾多，
剛好自成一國、編晒入一個迷你戲院，
所以我哋稍為喧嘩都冇問題，
當動畫出現我哋疑似一人時，
我哋就爭相競猜，
好開心~
最後可以去影院對面商店買番一張屬於你角色嘅印刷品，
我而家好後悔當時冇買 Bryan 果張，
因為大家都話酷似真人....
無端端框咗個地方擺放好幾架奇形怪狀單車，
又玩一餐
錯覺藝術都有
原本我仲想睇埋光影王國，
但係有團友似乎太累，
驚班細路頂唔緊，
所以閃lu
今晚近近地住佐世保東橫inn，
大家可以早少少休息 Zzzzzz
【DAY 9 完】
