玩轉地球村

 睇蘋果日報見到康文署主辦夏日狂歡大派對「玩轉地球村」，分別o係灣仔同沙田大會堂舉行。

瀏覽康文署網站，只知活動係免費入場，

大概講小朋友可以踏上舞台，同小海螺及鯨魚一同遊歷世界.....

等我以為係小朋友可以上舞台玩餐飽 XD

睇o黎好似幾過癮，就請定假諗住帶 Bryan 去玩玩，

Bryan 媽因為要清假，於是又可以一家一齊出動....

因為玩轉地球村一日只舉行三場，由下晝2:30 起，

Bryan 媽提議先去花月庭吃個自助午餐


Bryan 咀都未抺


原先諗住 Bryan 咁大擦，一定賺翻，點知呢日佢就早早收韁



好彩花月庭而家做緊7折優惠，都唔算貴....


當我哋去到沙田大會堂已經要排第二場，

排隊時聽人講至知，原來並唔係每個小朋友都可以上舞台玩，

係要抽籤o既 --- 最後當然係抽唔到啦

不過所謂上台其實都係過場式，熱熱鬧鬧咁台下睇得都幾開心 (小朋友o黎講)

大細路劇團落力演出，印象良好



總括o黎講都算係一個唔錯o既親子消閒活動