一直想 Bryan 學識踩單車，架 12" GIANT 已經唔啱佢踩，
於是想買架 16" o既單車，
最後拜託喺大陸工作o既好友 Keith，
訂購一架 16" GIANT 單車。
最驚喜係價錢唔貴，只須五百八十人仔，仲平過佢之前架 12"
本來約好某日我北上取單車，點知當日下晝收到 Keith 來電，
話已拜託同事將部單車送去粉嶺交比我，真係感動到喊
單車雖已到手，但因為天氣同我懶 + 要執旅行相.....
一直未同 Bryan 學習踩單車，
直到上次去大美督，Bryan 話好鍾意踩單車，
我就決心要暑假前要 Bryan 學識踩。
為此搵定D 網上教學，例如日本人興拆埋腳踏先學平衡等等....
記得係周四叫Bryan 同工人姐姐落樓下單車徑試練一粒鐘，
打算冇進步的話，就周六幫佢拆腳踏....
誰知周五 Bryan 用好開心o既聲線打比我，話佢就嚟學識踩啦~~
我都好開心咁即時同一個好友 Andy 講: 我決定買你架 Carryme
--- 呢架單車 Andy 話如果我買的話就平讓比我
Andy 仲好人到第二日將架單車專誠運送到粉嶺交收
yeah~~ 可以兩仔爺一齊踩車lu
記得之前拍過兩輯主題: 單車小子 & 單車小子2
而家睇番相，不得不承認影相o既熱誠下降咗，
呢輯 BIKE BOY 都只係求其喺屋企樓下影影做個紀錄就算數....
唔得..... 我要構思一個主題，認真D 拍番輯勁o既
沒有留言:
張貼留言