奇聞：結婚變離婚

之前聽過發生喺香港奇聞，
話說有對新人結婚，
酒席期間照例播 D 童年片段、拍拖片段咁咁，
不過呢對新人有 D 唔同，
播出嚟係一對肉虫喺度大戰，
最詭異係片中主角係新郎同伴娘!!
跟住新娘即席宣布離婚。
新郎同伴娘有染固然離奇，
最匪夷所思係新娘竟然不動聲色，
照樣結婚，
然後策動呢場大龍鳳。


今日報紙再講呢單花邊新聞，
話說新娘原來係喺結婚幾日前，
上新郎哥屋企想搵佢細個 D 錄影帶、影碟，
點知發現一餅冇標籤影帶，
一播之下發覺自己個 best friend 同準老公有染，
佢唔似一般人咁大吵大鬧，
反而低調將四仔剪入預備播放 video 裏面
呢個準新娘真係可憐、可怕又可敬，
至於果個伴娘，老友都出賣，抵死!