媽咪放唔到假得我一支公帶 Hoyin 出席真係有 D 悶，
我問 Hoyin 想爸爸帶定係想媽咪帶去旅行?
佢話最想一家三口一齊去
先到 Hoyin 學校集合，
流連校舍期間，
見到 Hoyin 一幅模仿梵高抽象畫派作品張貼走廊，
梗係要影相留念啦
作品被張貼，Hoyin 都有D R頭
出發啦~
第一站係去赤柱，
由於紅磡海底隧道塞車，比原訂時間遲咗到達，
最後得唔夠一個鐘比我哋自由活動、影相遊覽
去到呢間酒吧，正睇緊位點樣影，
點知突然走出一個貌似老闆叔叔，抱起 Hoyin 坐喺高櫈，
叫 Hoyin 乖乖影靚相
跟住出發去葛量洪號滅火輪展覽館
走馬看花，因為趕住去食午餐...
午餐係去一艘輪船食自助餐，
本來都幾肚餓，不過一見 D 食物...
都係算吧啦，留番個肚去上水廣成冰室食個餐~
同 Hoyin 草草食少少嘢就溜出去逛逛同影相
喺附近見到個老伯釣魚，
老伯係咁慫恿 Hoyin 幫手chok D魚上嚟，
老伯自己 chok 完，然後叫 Hoyin 收返 D 魚絲上嚟，
四個鈎仔鈎咗4條魚仔，
Hoyin 好開心~
【親子旅行完】
沒有留言:
張貼留言