白日小夜曲

幾個月前有朋友約影 wedding 相，
主角係佢個囡同 Hoyin，
咁有趣我當然應承啦，
於是就問咗 Hoyin 老友碩碩借花仔衫，
點知影相當日比人放飛機...
事後花仔衫攞咗返屋企冇咗件事唔記得還...
幾日前碩碩 daddy 提起至記番得
其實套花仔衫我一早想借比 Hoyin 著嚟影主題 --
獨奏小提琴，地點亦都擬定係浪茄
不過由於路程遙遠同天氣關係，
久久未能成事。


前日趁還衫前，影幾張當綵排吓。
可惜天氣太悶熱，
實在冇心機影。
影咗十零分鐘就打退堂鼓，
希望秋涼可以真正完成呢輯主題啦~