世界盃狂熱 [完結篇]

眨下眼，世界盃咁就完結。
恭喜西班牙初入決賽就成為冠軍，亦成為第八支拎世盃球隊。
正如之前所講，
今屆世界盃我係捧巴西、支持荷蘭、撐西班牙。
最愛巴西隊雖然比第二至愛荷蘭踢走（何其殘酷 ）
但決賽兩支球隊都係自己鍾意，
又兩隊都從未捧過世界盃，
真係邊隊捧盃都開心


話雖如此，
如果兩隊要揀一隊，
我較希望荷蘭可以捧盃，
因為荷蘭兩闖決賽都係拎亞軍，
而西班牙話晒兩年前拎過歐國盃威威...


事實尋晚場波，
都係西班牙佔優多少，
由阿仙奴隊長法比仔助攻奠勝，
結局都相當圓滿，
荷蘭雖敗猶榮，
兩年後歐國盃再努力過啦~