MONSTER UNIVERSITY X TIME SQUARE

知道怪獸大學喺時代廣場搞展覽，

一直想去睇睇兼影相.... 但係恐怕人山人海遲遲都未去拜會，

終於等到 7月1日，

朝早踢完洲際國家盃 (順帶一提，我喜歡o既巴西隊大勝西班牙捧盃) 即叫 Bryan 起身出發去影相。


去到現場，好彩唔算多人，唔少係菲菲同印印，

最 good 係秩序尚算良好，等一陣就可以影到。


套戲仲未上，大部份角色我都唔識，但係照影可也









目測所見，最多人輪候合照o既始終係毛毛


 
影到七七八八，上埋樓上先，

想同毛毛影相又要排過隊，我哋排咗十零分鐘就入到去









 

樓上都影到七七八八，同 Bryan 去食個 late 早餐，

我哋知道呢日有四個時段可以同毛毛 & 大眼仔合照，

最早12點 果場，11:30 am 開始派飛，

同 Bryan 食完早餐行返嚟都 11:20 am，諗住當碰下運氣，

點知仲有大把位，於是同 Bryan 影完合照至走~


幾鍾意時代廣場搞o既展覽，每次水準都相當高~ 讚!