頑遊名古屋‧三重縣‧大阪準備中

原本諗住今年暑假嚟個家族大旅行，

以往幾次一大棚人出發都係欠我一家，

大家都話要同 Bryan 哥一齊出埠去次旅行，

大哥提議去沖繩自駕遊，我都搵定唔少資料....

可惜其中兩個侄女學校補習日子遲遲未出，8月o既鋼琴考試又唔知定喺邊日，

結果最後唯有分頭行事：

大哥一家七月頭去日本中部+大阪、三哥一家七月尾去北海道、四哥一家就帶埋老媽去東京，

而我一家，就八月尾去名古屋、三重縣、大阪


由於先前要夾大家時間，所以唔可以提早平價機票，

諗住跟番兩年前坐比較平價o既印航，

旅行社話五天以上冇晒團體飛，正價要賣六千幾

五天團體飛就要喺起飛前一日通知有冇飛

最後唯有睇下廉航樂桃航空仲有冇飛賣....

話說 Bryan 聽佢大伯講搭廉航通宵機，一直想話搭，話自己頂得住云云，

呢次真係比佢恨到


廉航乜嘢都另外計錢，好唔慣，都擔心會買漏嘢，

而家兩大一細機票夾埋 $105xx，都算預算內，

如果捱得住，真係多一日玩o架