朋友們請咗教練教班細路玩 BMX，分兩日，每次教兩個鐘。
第二次訓練時間係上星期日朝早九點，
我卒之抽到時間帶 Bryan 嚟玩。
由於路途遙遠 [ BMXPARK ] ，同平時返工時間一樣就要出門口
等到教練到場，第一件事喺揀護具同單車....
教練話隔日好多人嚟玩，手套拎咗去清洗... 所以啲手套係濕濕哋o既.....
頭盔揀唔啱 size，冇計，大少少用住先，拼拼湊湊都好似幾 pro 咁o既
先做熱身，打吓圈先....
然後去佢哋稱之為細場o既地方正式玩啦~
由於 Bryan 同另一位朋友仔都係初來甫到，教練叫佢兩個留後，
等之前已經話過o既先走一圈，佢會過嚟教新丁....
點知等吓等吓，佢兩個都係冇得玩，
其他朋友慫恿兩個新丁自己衝落去，點知兩個好乖話教練講過要等佢嚟教
卒之另一位朋友忍唔住問教練幾時至輪到佢哋玩?
教練如夢初醒，原來佢唔記得咗件事
佢嚟到都冇講乜，只係叫兩個新丁衝落去，
佢會喺隔離傍住咁咁..... 【註: 原來原教練有第二啲班教，呢個係臨時拉伕】
卒之，Bryan 迎來第一次o既BMX
殺呀~~
圖後就係肥仔教練，朋友們話下次唔搵佢 XD
正常屁股應該離座好啲o既
朋友們的太太好慷慨咁讚 Bryan，話佢第一次踩冇炒車，好叻仔咁咁...
呢頭講完，果頭 Bryan 就撻低咗
Bryan 話全日跌三次，次次都喺我不為意下發生，影唔到相....
鍾意影相o既爹哋媽咪嚟呢度都唔錯，好多位影相
我攀上小斜坡影落去，成個細場大致係咁.... 幾好玩架
【待續】
沒有留言:
張貼留言