鑽石大獎與飛躍學童獎

同上學期一樣，Bryan o係印印龍計劃都儲夠印印，

拎到印印龍計劃最高級o既鑽石大獎。

呢次換取禮物日期有啲古怪，同學校參觀交通安全城日子重疊，

結果 Bryan 份禮物由其他同學代為揀選



結果 Bryan 同我講話唔開心，因為屋企有盒一模一樣o既

我哋同佢講唔緊要啦，反正都係鼓勵性質，

於是佢將禮物轉送比表哥，

點知表哥禮尚往來，話送番隻佢嫌棄o既彈珠人比佢，

Bryan o係 whatsapp 見到實物，即刻開心到 yeah 出嚟 

事隔幾日，同 Bryan 身處迪士尼樂園o既我收到班主任電話，

話 Bryan 經老師推許，拎到飛躍學童獎，

會有一張獎狀同兩張迪士尼樂園門票( _ _" !!)  -- 可以轉送比家姐了



我聽到都愕一愕然，因為記憶中，我哋冇參加過任何比賽，

而且 Bryan 最多都係中文科有少少進步.....

後來Bryan 話老師同佢講，係讚佢由開頭好似鵪鶉咁，

到而家夠膽舉手發問之類大有進步，值得嘉獎云云... (大意係咁)

見 Bryan 咁乖仔，卒之買埋另一盒佢恨到口水流o既 LEGO 比佢，

希望佢下個學年繼續努力啦


同晚，屋企窗口望出見到美麗夕陽，

Bryan 叫我拿拿聲影低佢，

嗯，係同我上文無關o既....


【完】