多謝同事阿 WING 比咗四張飛我。
新田軍營屬龍躍頭地段，距離我屋企都算近，
由於啲飛據講一票難求，兩個姨甥女又想去，
所以老婆都冇得去參觀，等我一個帶三條化骨龍去開開眼界。
入場券建議大家要提早一個鐘頭到達，方便安檢。
安檢比迪士尼入場o既檢查嚴厲得多，
小朋友帶水樽同寶礦力，都要佢哋先嚐一口至可以通過。
呢個安排班細路好似覺得係玩，笑到騎騎聲，無厘莊重
入場人士憑票有一個禮物包，
有水、區旗國旗、仲有一頂頗肉酸o既帽
天氣極炎熱，班細路食完甜筒至起程參觀...
首先去食堂
好利害o既刀功
再行過去，就見到真人示範
呢位師傅雕花
呢位就雕雀
師傅雕完後，竟然送咗比我哋，逗得班細路好開心
因為三個反斗星都想要呢個紅蘿蔔雀仔，去到睇升旗禮o既地方已經插針難入，
我哋諗住參觀其他地方，行到一處發覺可以窄位睇到表演
繼續四圍參觀吓
同兵大哥合照吓
參觀佢哋o既宿舍，
發覺佢哋床舖執拾得井井有條，真係要叫屋企個工人觀摩下
參觀完宿舍，聽到隆隆大響，
原來做緊反恐表演，我哋又去番之前地方睇 show
如果出年唔使我排隊，又有飛的話，我都會再嚟過
沒有留言:
張貼留言