再闖黑色世界

媽咪要清年假，

於是重陽節前夕又入迪士尼玩。
呢一日我哋四點鐘左右已經入到場，
趁表哥表姐佢哋未到場，
先同 Bryan 周圍去影吓相...

今次 Bryan 夠膽單對單同D邪魔妖怪影相 lu

呢個雙面人又真係幾得人驚，Bryan 投晒降唔肯同佢影，

直至表哥表姐一齊埋去影佢至夠膽頂硬上

【完】

「頭」入迪士尼黑色世界

上周五 Bryan 約咗好耐冇見老友仔一齊頭入黑色世界。

萬聖節主題係我認為迪士尼一年之中至好玩...

睇 Bryan 咁雀躍就知啦

趁朋友仔未到，行吓商店睇吓有乜精品

指定項目係試造型

卒之等到老友仔 羨瑤來啦

等睇巡遊期間，有唔少喪屍行嚟行去等同大家合照

睇慣平時巡遊，夜光鬼魅巡遊別有一番風味

Bryan 今日挑戰咗新環節黑色馬戲班，可惜嚇到餚晒底....

結果玩大街詭異酒店全程闔埋眼，

最吹脹係出嚟第一句就話︰唔驚喎，一 D 感覺都冇

 

是日等睇巡遊、趕食飯、玩遊戲，冇時間影相，

短期內再去一次影餐飽

【完】

Photobook - processing

終於的起心肝處理關西旅行 photobook，

今次沿用番上次幫我印 Singapore Trip 愛卡堂，

原因除咗較平之外，

仲有頁數上限大好多...

雖然網站內顯示最高頁數係 100 頁，

但負責人 E-貓答覆我話用什麼蝴蝶精裝的話再多幾十頁都冇問題，

希望冇吹水啦。

始終如果印上下兩冊好似怪怪哋咁....

點都好，呢次印費恐怕相當甘吓.....

小學開放日

9月17日‧星期六

我母校搞咗個開放日


由於都打算同 Bryan 首選報讀，

於是就同 Bryan 行一趟參觀吓。

而家校舍當然唔係我以前讀果間啦，

事實已經搬過兩次竇，

而家校舍位置最近我屋企，

行十零分鐘就到。

同 Bryan 匆匆行完一輪，

我有恍如隔世感覺....

而家讀書環境同我以前差太遠喇，

家陣 D 細路實在太幸福了....

我問 Bryan 覺得呢間小學 OK 唔 OK?

Bryan 初步對我表示唔錯，話間校舍又大又靚（佢係同佢間幼稚園比 )

大鬧假日農場

中秋節翌日，例牌假期。

我哋一家加埋兩個姨甥去咗假日農場玩


雖然佢網頁話需事先預約，

不過打過電話去問，

walk in 入去玩都冇問題。

我哋依網頁交通指引教方法搭小巴再行去農場，

點知去到發覺原來有好多分叉路，

最慘係冇路標指引，

我哋都係是旦撞一條行、遇到原居民又問吓路咁，

結果都試過行錯路打回頭

最後我哋決定跟喧鬧聲方向行，

好不容易終於到達農場...

入場費盛惠60大元，

門口阿姐話滑梯飛氈之類遊戲要點幾鐘至開始，

於是我哋就四處遊覽吓先

買魚糧餵吓魚

所有遊戲都係手工造，感覺好 RAW 又好玩

呢個時候聽到廣播話遊戲啟動，可以過去 SIR 滑梯玩飛氈...

班嘩鬼即刻話要過去玩

先玩樹屋滑梯

玩幾勻 XD

吊籃都好似幾好玩




倒轉咗

落地又跑去玩多轉樹屋

跟住係戲肉

激波船




震盪高搖板

工作人員都話佢哋員工放工都成日偷呢個，好好玩~

親子樂飛馳

同埋爹哋、媽咪玩又得，自己玩都得

阿拉飛氈.... 呢個激得多，Bryan 思前想後至夠膽玩

負責人話齋，挑戰咗一次之後就勇氣大增啦

廣播聲又起，通知星球大戰開始咗啦

於是班嘩鬼又拿拿聲趕去

星球大戰係乜東東呢??

其實只係將 D 波拋入 D 設置好位置桶入面，

不過見大班細路、無論拋同去下面執波都玩得好開心

等咗好耐佢哋至肯去其他地方行行

假日農場都幾多嘢玩，

細路一定玩到樂不透支，

下次一於班多 D 人馬再玩過

【完】