三個BB女

阿仙奴球迷會其實不乏女球迷，
早年球迷會認識其中兩個青春少艾，
時光荏苒，
已是人母，
其中一個已是2個女孩的媽媽。
我仲未同3個女娃娃見過面，
就相約咗某個周末馬灣相聚，
3個女娃娃都好得意，
尤其最細個嘅 "小胖" 👄

下次再見~~

德福廣場「星．光．幻彩萬華鏡」

Bryan 陪咗我去九龍灣換 earphone，
途經德福廣場，
見到有萬花筒影，
就排隊影咗幾張，
因為多人排隊關係，
匆匆影幾張留念就算，
如果有得慢慢影就好玩了

踩單車賀聖誕2016

今年聖誕，
我一家約埋 Bryan 細表姐去大埔踩單

踩我最喜歡嘅大尾督單車路徑

今次我提議踩落去三門仔，
記得之前幫同事影Pre wedding，
風景不錯的說...
途中發現呢個景點
 

 

之後至醒起細表姐要趕返屋企同佢嫲嫲慶祝生日，

所以影完幾幅相就趕去老地方藝程雅聚食個tea，

食完還車，

細表姐啱啱好依時返到屋企, hehe

 

下次預番充足時間落去三門仔至得

行山樂 - 大棠紅葉2016

時為12月中，
其實出發前已知楓葉未全紅而且人如潮湧，
不過大家話當行吓山傾吓偈就約定成行。

原來而家朗屏西鐵站有特別巴士直達大棠，
終點站喺山腰，
都慳番多少腳骨力。

到目的地，
果然勁多人呀，
只有極少數楓葉轉紅，
而呢幾棵紅楓自然成為天皇巨星，
大家大拍特拍，
咁嘅情形，
我影相心情乜都冇晒LU，
所以影咗幾張相就打道回府，
落元朗食B仔好過 XD

行山樂 - 港版大峽谷菠蘿山

今日約齊大班朋友行有港版大峽谷嘅菠蘿山，

而家秋涼行山相當舒服，

所以今日都有唔少行山友到此一遊。

其實見到大峽谷景只有短短一段，

因為好多人輪流影相，

所以只可以匆匆一影

同之前幾次行山比，

呢次唔算辛苦，

輕輕鬆鬆行兩個零鐘就到下白泥

最辛苦反而係喺下白泥等小巴出返元朗 XD

行山樂 - 遍山芒草的大東山

今次行山期待已久，

不過要等班細路考完試至可以成事。

當日去到東涌嚇咗一跳，

由搭去昂坪嘅纜車處同整個巴士站都堆滿人，

我哋要出發去伯公坳嘅巴士都自然唔少人排隊，

好彩加開唔少巴士，

唔算等太耐就排到。

由伯公坳開始起行，

初段上坡踏好多石級，

都幾索氣，

上去到平地慢慢行，

加上陣陣涼風，

疲倦一掃而空

呢啲荒廢屋仔 (好似叫爛頭營?) 比想像中多

終於見到遍山芒草嘅情景，

爽呀~~

 飽覽完跟住落山，

我原以為好輕鬆，

點知原來係一直落石級冇得抖 

(皆因路窄人多好難停低)，

直行到黃龍坑郊野公園，

據講有幾條路落山，

姨仔一家之前另一段路程比較長但有平地休息

行到腳軟加腳震，

行到返東涌足足行咗五個鐘有多，

老婆都話下次可唔可以唔好揀咁長路程 XD

香港築地‧山貴水產

趁 Bryan 考完試兼夾媽咪生日，

去香港築地試吓味先~

個幾星期前試圖預約，

諗住閒日應該冇問題，

點知係成個月全爆，

認真誇張。

去到果然要排隊

不過好快就入到去，

入到去都唔覺係太多人....

第一眼就見到有零食賣，

唔平喎

 我哋比較鍾意食壽司刺身，

即刻去試食

三文魚、平目魚等一般壽司店都OK 嘅呢度水準當然得，

赤貝帶子呢度都相當得，

食得出鮮味，

比連鎖壽司店好得多

Bryan 呢件和牛壽司我都想食，

可惜我個set 冇 XD

最長龍係海鮮丼

左下角係前天氣小姐主理嘅龍蝦包，

當日唔見佢在場 XD

對我嚟講始終價錢算貴，

試過就算，

日本嘢留番日本食好啲，嘿嘿~