踩單車賀聖誕2016

今年聖誕，
我一家約埋 Bryan 細表姐去大埔踩單

踩我最喜歡嘅大尾督單車路徑

今次我提議踩落去三門仔，
記得之前幫同事影Pre wedding，
風景不錯的說...
途中發現呢個景點
 

 

之後至醒起細表姐要趕返屋企同佢嫲嫲慶祝生日，

所以影完幾幅相就趕去老地方藝程雅聚食個tea，

食完還車，

細表姐啱啱好依時返到屋企, hehe

 

下次預番充足時間落去三門仔至得

釣魚樂 @ 水中天

又係半年前嘅事，

記得因為有朋友去咗呢度玩，

覺得幾過癮，

於是隔週就約埋 Bryan 啲老表去玩。

冇記錯應該係三門仔打電話，

水中天就會派船接載....

話咁快就去到

我個性比較性急，

呢啲考耐性嘅嘢真係麻麻，

不過偶然帶班細路去玩都 OK 嘅

Bryan 都有魚穫，

但係細條到呢 XD

跟住去大尾督食泰菜，

呢間想試好耐，

不過次次爆滿幫襯唔到，

今次早咗嚟有位，

即刻試試先，

味道唔錯...