吉卜力工作室場面設計手稿展

因為想出暑假北九州自由行o既油雞，

就望望硬盤入面o既相，

至發覺原來好幾輯相都寫網誌....

呢篇係其一，原來都成三個月前 _ _"

果日係閒日放假帶 Bryan 去睇o既，

好彩早到少少，

到我哋離開時已經要排長龍。

賣旗初體驗

6月7日，Bryan第一次賣旗，

呢個賣旗日子其實有啲奇怪，因為嚟緊果個星期就係考試日子。

不過我覺得呢個係一個難得機會，就同 Bryan 報名參加。

Bryan 果日表現唔錯，都幾肯主動叫人買旗，

仲因為冇乜路人主動叫我換地方 XD

我哋開頭真係去錯地方，好彩我率先叫 Bryan 賣支旗比我，

因為佢第一次開口叫個大叔買旗就食檸檬 XD

住附近o既伯伯、伯娘都特登落嚟幫襯 Bryan，

認真唔話得，

當賣晒一張，Bryan 非常高興

最後仲有張獎狀仔

龍行香港 - Meet Fredrik Ljungberg [下篇]

話說接完機同記者會有個空檔時間，

我就返屋企執吓上晝啲相，

突然醒起球迷會話會盡量安排番啲時間比工作人員同堡堡影相簽名之類，

於是就拎咗其中兩張去晒相，

最後，趁堡堡同傳媒訪問之間，

搵咗佢攞簽名，

佢仲讚係 Nice photo，真係開心死 ^ ^

跟住就到夜晚見面會，

見番好多好耐冇見o 既球迷老友，

大家當然都把握機會會會真人啦。

球迷會仲準備咗啲小禮物比到場球迷，

真係唔話得

朋友囡囡喺自拍比賽比堡堡選為最佳，同堡堡合照留念，

事後可愛小妹妹同堡堡合照上咗官網同堡堡自己o既twitter，威水~

方力申係阿仙奴迷，當日佢到場負責抽獎，

呢個靚仔好受女球迷歡迎，個個蜂擁同佢合照。

鍾意阿仙奴確係靚仔啲o既 XD

方力申都要化身小粉絲

再見啦! 

剛剛上禮拜收到堡堡結婚消息，

恭喜晒，祝白頭到老~

龍行香港 - Meet Fredrik Ljungberg [上篇]

阿仙奴著名球星龍格堡訪港，

身為阿仙奴擁躉o既我把握呢次機會，

同阿仙奴球迷會幹事o既朋友毛遂自薦，

幫球迷會拍低龍格堡訪港花絮。

當日我要搭最早一班機場巴士撲去機場接機，

雖然辛苦，但好緊張好興奮，

最後終於見到佢啦~

當日唔少球迷到場接機，

龍格堡非常nice，逐個簽名滿足所有球迷~

唔少球迷出動大批精品等堡堡簽名，波衫自然唔少得

喺堡堡去酒店期間，

我都返屋企休息一陣，

然後我做咗一件極對o既事，

乜事容後再講 ^ ^ 

跟住下晝又去影吓記者會

然後就到重頭戲，夜晚同阿仙奴球迷o既見面會

[待續]

8歲 Bryan

好耐冇post Bryan 啲相，

其實耐唔中都影少少小品，

不過實在太懶，哈哈

呢張相係一個月前同朋友影佢對孖囡順手同佢影o既~

等我得閑出d 雜錦當留記錄先

久違了的冠軍

太耐冇update 個blog 了，因為太懶 XD

但今日太高興，忍唔住要同大家分享吓...

就係我至愛球隊終於拎到冠軍啦~

決賽對手係牌面稍弱o既侯城，

老實講，原先諗住係十拿九穩，

亦一早參加球迷會500人睇波大party，

點知唔夠8分鐘就比對手領先2球，

實在始料不及，

好彩憑卡蘇拿、哥斯爾尼、藍斯三個入球反勝對手，

拎到久違了的冠軍，

同因為阿仙奴而認識o既朋友互相擁抱慶祝，

果種開心法真係非筆墨所能形容，

期望冠軍陸續有來。

單車遊

班細路真係幾鍾意踩單車，

幾次問有乜提議，都話要踩單車。

呢次索性挑戰佢哋，就係由沙田踩到大埔，

想當年我都成日同同學仔踩呢條路線....

事後證實，佢哋都幾有料到，

好似仲夠氣過我哋大人 XD