頑遊關東2012 DAY 4 - 輕井澤石之教會

由高原教會穿過一個停車場就到石之教會。



入到去就見到好型格o既長椅





型就是型





尋幽探秘般的小路







如果喺呢度舉行婚禮係唔係好好震撼哩 



報載鄭秀文許志安會喺輕井澤舉行婚禮，最初以為就喺呢度，搞清楚至知係甚麼風之教堂

石之教會，又稱為內村鑑三紀念堂，是美國建築師 Kendrick Kellogg 於 1988 年在亞洲唯一建造的建築物。
教堂有一道由石頭與玻璃建造而成的拱門，並覆蓋了整個天花，
光綫透過玻璃斜照進來，閃閃金光，隨著太陽的軌道顯示不同的風貌。

證實的確有免費車來往輕井澤/高原教會，大家可以憑圖推敲由輕井澤前往o既時刻表，

但撲空的話本人概不負責



返到輕井澤站，即致電約 Yoshi san 接我哋返民宿，

不過我哋將時間推遲一個鐘，咁就可以去 PRINCE OUTLET o既星巴克嘆番杯咖啡



下兩篇介紹一下我喜歡的民宿 -- HIGHLAND INN EASE

【待續】

頑遊關東2012 DAY 4 - 花畑牧場カフェ＆ホエー豚亭 @ KARUIZAWA PRINCE SHOPPING PLAZA

KARUIZAWA PRINCE SHOPPING PLAZA 果然名不虛傳，夠晒大又夠靚，

如果有時間逛下一定好舒服~~



可惜我哋唔多夠時間

搵嘢食先~

事前冇做資料搜查，隨意就搵到呢一間 - 花畑牧場

後來翻查資料才得知，輕井澤係北海道以外o既唯一分店。

餐牌只得兩款選擇，我本來想點咖喱o既，

因為我成日諗住，喺日本好難食到難食o既咖喱 XD

不過 Bryan 媽已點咗咖喱，咁我就點燒豬肉吧，雖然牛肉才是我杯茶



趁空檔影影相、參觀一下~



呢個設在中間位置(餐廳旁係賣糕點雪糕地方) o既休息亭，好別緻









午餐來了~



嗜牛o既我都被呢碗豚丼感動了，真係好好吃，

比咗塊 Bryan 試，之後佢都嚟爭食，整碗飯轉眼就比我倆父子扒乾了 

長野 軽井沢

花畑牧場カフェ＆ホエー豚亭

地址:   長野新幹線軽井沢駅南口より徒歩約５分

    上信越自動車道碓氷軽井沢I.Cから12.5Km(平常時14分)

長野県北佐久郡軽井沢町軽井沢

軽井沢・プリンスショッピングプラザ ニューイースト06

之後蜻蜓點水式逛逛 OUTLET...... 好喜歡日本單車的式樣



悠閒的氛圍







我哋喺 Yoshi san 指示o既地方等候前往下一目的地 -- 高原教會的免費接駁巴士 (就喺 OUTLET 對出位置)

等咗十數分鐘都未見踪影，

我哋肯定冇去錯地方，因為 Yoshi san 指示o既時候，果架巴士就喺面前....

我巡咗一圈，遍尋不見有關指示牌之類，

眼看前往中輕井澤的私鐵將至，於是決定放棄，趕緊去火車站...

私鐵都算近，仲有空檔影影相，呵呵~~

原來由中輕井澤到高原教會並不輕鬆，尤其好似我咁比路人點咗行了一條冤枉路....

但始終，我哋都到達目的地了....


【待續】