頑遊關東2012 DAY 6 - 告別草津，往東京進發!

由草津溫泉至上野須先坐巴士到 JR長野原草津口駅，

然後坐吾妻線至高崎再換高崎線至上野(此程可以喺買 JR Kanto Area PASS 時先劃位)

溫馨提示: 此程巴士JR Kanto Area PASS 係唔包o既



等巴士開車期間，正好食番個溫泉饅頭醫醫肚~



溫泉饅頭雖有微溫，但味道已經差好遠











草津溫泉一級棒，值得推薦

喺呢個小車站有段小插曲，

話說當往高崎列車到站，我哋喺月台乖乖的等候上車，

但係遲遲唔見火車開門...

我望吓隔離車卡，見到兩個婆婆已顫危危咁上咗車，

我即刻叫老婆同 Bryan 去隔離車卡上車....

上咗車至發現，原來呢架火車o既車門係要人手拉開o既


【待續】

頑遊關東2012 DAY 6 - 西之河原公園 【下卷】

大大小小o既溫泉，但都不是給人用來洗溫泉的，

我告誡咗 Bryan，千祈唔好手多多試水溫，

變成溫泉蛋就慘了











見到有日本青年喺呢度玩水，Bryan 可放心試水





Bryan 見到幾個日本哥哥姐姐落水浸腳，就有樣學樣......

不過要小心D 細石巉腳





公園o既深處就係露天大風呂，我哋冇呢個打算/勇氣 就冇去到....

而家諗番就算唔去浸溫泉都應該去見識見識，話唔定真係有美女會大解放哩



幾個溫泉細池都佈滿日本硬幣，

我哋都湊興將一日元擲入溫泉池，

據聞強酸度會令到一日元大概一星期就會腐蝕至無影無踪







巧遇一班幼稚園生遊學，卡娃兒哩~



鬆馳熊溫泉特別版



熱之湯有卡通人物招徠客人



我同 Bryan 影相，佢哋都繼續面向鏡頭揮手，好專業



呢架巴士可以環遊草津溫泉，只須100yen

再見了草津溫泉


【待續】

頑遊關東2012 DAY 6 - 草津溫泉‧揉水舞表演

朝早起身，第一件事就係同 Bryan 浸多嘢溫泉

跟住就來個新潟屋的早餐

結論係，比晚餐遜色得多





老板喺我哋尋日到埗已經問我哋今日打算去乜嘢地方? 

我話比佢知我哋準備去白根火山同埋去草津天狗山滑草，

老板夫婦隨即表示因天氣關係，就算上白根山都冇風景可看

可能老板怕我哋會做蠢事 (強行上山)，今日又再次勸喻我哋唔好上山....

我哋唯有接受意見，改變行程啦，

於是 check out 去睇揉水表演。

【後記：新潟屋服務殷勤，不過最後來個反高潮，

話說我哋希望寄存行李至中午，唯老板拒絕，

話巴士站有行李櫃可以寄存行李，可能係怕行李如有閃失會有爭拗吧】

去睇揉水表演記得帶優惠券啊 (原價500yen，折扣後450 yen。優惠券可到官網 download)

雖然平得少少，不過去旅行梗係慳得就慳

草津溫泉除了其泉水具有高療效外，更有項有趣傳統習俗叫「湯もみ」（揉泉水）。
習俗由來於草津溫泉的泉水溫度可高達攝氏 94 度，而且是高刺激性的酸性泉水，
在如此高溫的情況下人們無法入浴。
所以需要以一支闊 30cm、長 180cm 的板子來揉動泉水使其降溫，過程約 20~30 分鐘，
揉動時還會唱起「草津湯もみ唄」，相當有趣。遊客在熱之湯除了觀賞這項有趣習俗外，
更能體驗揉動泉水，切切實實地感受這獨有的文化。【文章摘自 U Travel】

到咗遊客體驗時間，即刻叫 Bryan 出去玩番餐.....

呢一個環節只係將木棒左右攪動，比較輕鬆



之後仲有一場頗為沉悶o既歌舞表演



然後揉水舞者再次出場，呢次除左右攪動外，仲要用力上下掀打。

到咗遊客體驗時輪到我同 Bryan 出去玩水，兩個字 --- 惡搞





出到嚟又見到煙霧迷離，好喜歡呢個情調，不禁又影多幾張相









可能見我拎大機影相，對我有D信心，呢次旅行幫咗唔少日本人影相

【待續】

頑遊關東2012 DAY 5 - 草津溫泉‧新潟屋

預訂新潟屋前，曾考慮過Raisin 和 Pension Ruhe，

但考慮既然喺輕井澤係住歐式，

嚟到草津不如試吓住日式溫泉旅館，而且仲可以嚐嚐日式溫泉料理....

於是預約了網評不差的新潟屋



新潟屋由一對年長夫婦經營，

當我哋入去 check in 時，兩夫婦立即趨前招呼，

我打算自己拎行李上房，館主即時阻止，

同時做咗一個大力士姿勢外加一個鬼臉，
好似話比我聽呢D粗活對佢嚟講真係濕濕碎

素聞日本溫泉旅館待客服務一流，果然名不虛傳

館主話比我哋知全日只得我一家客人，所以溫泉毋須理會男湯女湯，

總之隨便任浸...... 

實在太幸運喇

房間裝修普通，不過就好大，

我懷疑係因為只得一組客人所以讓間大房間比我哋。



我哋急不及待，先泡泡日本第一o既溫泉







現由我御用小毛豆 Bryan 為大家介紹浸溫泉的步驟



Bryan 日本飲飲食食，脹咗一個碼 XD



草津溫泉真係熱到飛起，燙到 Bryan 呱呱嘈，要好一會至適應到水溫



當適應咗之後又覺得好舒服



輪到食溫泉料理





論豪華及唔上上年白濱的柳屋，不過我哋一家都一致認為，

論美味道比柳屋有過之而無不及

本來晚餐後想穿著浴袍來個夜遊湯畑，可惜天公不造美，

大雨下個不停

加上浸完溫泉睡意侵襲....

Bryan 說終於可以睡個飽



草津溫泉    新潟屋旅館
〒377-1711　群馬県吾妻郡草津町168　
TEL.0279-88-3468

URL: http://www.kusatu.com/niigataya/　


【DAY 5 完】