我同 Bryan 都好鍾意睇超級英雄片，
其中最鍾意可算係復仇者聯盟，
因為夠晒大堆頭，
記得大片初出嘅禮拜就即刻去睇....
呢日行街經過希慎，
見到復仇者擺設，
影吓相留念
搭叮叮去動植物公園，
途經香港公園，
最深刻印象呢對乜乜猿，
叫聲嘈到不得了
最後去親戚家食飯，
佢屋企樓下嘅公園有非常懷舊瀡滑梯
2013年4月26日 星期五
BECOME IRONMAN!
知道希慎廣場有 IRONMAN 展覽，
但一直抽唔到時間帶 Bryan 去睇睇...
直到呢個禮拜終於可以去欣賞吓啦
出發時留意天氣預報話會落雨，
加上估計會有好多人，所以冇帶相機去，
而家都有少少後悔，因為我部手機o既影相質素真係....
_____________________________
去到展覽場地，真係好多人
都預咗，星期日嘛....
HOT TOY 啲手工真係好堅，勁靚!
4/F 空中花園仲有展覽，屬 IRONMAN 另類創作
是日仲有樣嘢幾期待o既，
就係比 Bryan 玩商場入面o既 IRONMAN 體感遊戲，
要玩呢個遊戲，要先喺呢個商場消費，
然後用張單換遊戲券。
我哋原先諗住去誠品買啲文具，
但係冇發現。
於是去咗 FOOD COURT 滿記買杯飲品搞掂
排隊期間，睇住其他小朋友玩，
小朋友們得意舉動不時惹嚟哄堂大笑，
邊笑邊等，好快就輪到 Bryan，
斬吓眼仲變埋 IRONMAN
玩完遊戲，職員比咗個 NO. 我哋，
話五日後可以上指定網站依番個 NO. download 番相片，
(我朋友話佢哋只係等兩個鐘就有得download)
等咗幾日，終於有得download，
但係發覺竟然冇 Bryan 除咗面具、穿晒成副盔甲o既相
唔通啲相炒咗，所以冇 upload 上去??!
雖然動作係 Bryan 嚟o既，但係要呢啲相有乜用呢...
搞到我想帶大機去多一次 XD
【完】
訂閱：
文章 (Atom)