頑遊名古屋‧岐阜‧三重12天自由行2015 DAY 6 名古屋城【下篇】

呢個測試拉力幾好玩，

我哋都玩咗唔少時間 XD

有個冇隨行嘅姨甥係昆虫控，

剛好入面有昆虫展就影啲相比佢睇

 

 

 臨離開，

竟然見到有昆虫售賣 (有活生生、又有標本的)，

佢哋就揀啲買比姨甥做手信，

有啲其貌不揚嘅獨角仙標價過萬YEN 呢

【待續】

頑遊名古屋‧岐阜‧三重12天自由行2015 DAY 6 名古屋城【上篇】

兩年前已經想試名古屋嘅早餐，

聽講抵夾正，

可惜行程太緊湊抽唔到時間試 XD

今次標明係悠閒團 (應該係)，

加上頂唔順呢間東橫INN 嘅早餐，

就去地下街搵間咖啡店試試。

同傳聞一樣，

叫飲品送多士同烚蛋，

我哋都有其他飽類，例如熱狗咁，

好味~

我哋外加名古屋特產紅豆溶，

加在多士上面真係絕配~ 

去名古屋記得抽時試試啊

今日目的地係名古屋城，

兩年前去到門口因時間關係冇入去，

今次係第一次正式拜訪

呢度係第一個參觀地方，

入到去又要除鞋、又要將隨身手袋擺入置物櫃，

應該係一個莊嚴地方，

入到去好金碧輝煌，

好閃呀~

跟住去天守閣

先去最頂，再慢慢行番落嚟

記得成廿年前，

同老婆喺大阪天守閣整過紀念幣，

今次 Bryan 做代表整番個

【待續】

頑遊名古屋‧三重‧大阪 DAY 3 - 大須觀音寺、大須觀音通商店街

這張群鴿亂飛相，本想上年去淺草雷門時拍的，

那知白鴿數目不比以往，

今年在大須觀音寺完成，好開心呢~

去大須觀音寺，途經大須觀通音商店街，

沒有一間商店令我有想入內參觀衝動，

就是說是直行直過哪，哈哈



同白鴿玩了一陣子就出發去名古屋城，

這個行程是臨時加插的，

因為對參觀這類的城堡興趣一般，

但見還有時間，又有地鐵一日券，

便打算影一張到此一遊照。



都怪資料搜集得不好，以為名古屋城也像大阪天守閣般，

不用付入場費也可以影到天守閣....

這裏卻是要先付費才影得到相


我們即時開了一個家庭會議，

最後決定走人..... 去第二個目的地了

-- 名古屋電視塔


【待續】