第一次搭飛機出外同人影 Pre wedding，
緊張之餘又好興奮。
去過日本都怕有30次，
第一次出發前完全唔查移動路徑，
靠晒新郎哥嘅資料搜查 XD
第一個目的地係嵐山，
去到現場我真係呆咗，
幾年前暑假嚟過，
我估呢次遊客數目係十倍有多，
我哋只好盡量喺短時間穿街過巷搵啲少人嘅地方影...
時為11月尾，
紅葉不似預期，可惜...
後面為渡月橋，
可以見到遊人水洩不通
5點就天黑，好恐怖，haha
第二日去神戶市立須磨離宮公園，
係神戶朋友介紹，
呢個地方咁冷門，
自然只有日本人會去，
比較冇咁多人，
易影啲
其實當日天氣幾凍，
新娘辛苦了
第三日，
Amy 同 Samson 租和服影相，
第一站稻荷神社，
天呀!
人多到震...
改去八坂神社，
冇咁多人，
影多幾張先~
下面呢張相印象好深，
因為我哋去到嘅時候，
已有兩個大叔同一對穿和服後生仔女影類似pre wedding，
我叫 Amy 同 Samson 過湖對面，
我哋用長焦拍，
跟住呢兩個阿叔老實不客氣叫呢對後生過對面 standby，
最後連 pose 都抄足.....
不過佢都有讚我哋取景靚嘅 XD
我哋接住去清水寺影夜景，
都預咗會好多人打定輸數，
但都比預計多好多人....
Amy 都話唔好勉強，
還衫去行吓夜街算....
離開行過一條冷巷，
最後比我影張我幾滿意嘅作品
沒有留言:
張貼留言