
我哋幾個大人經 whatsapp 幾番商討後,最後決定去大埔海濱公園放風箏。
Bryan 一個姨丈已經為小朋友們準備咗風箏,
就喺我哋落腳o既地方,坐到有一個大叔,
大叔個款擺明係一個風箏高手,
佢放o既風箏亦都好搶眼,又大又正。
據大叔講係佢自己親手造o既,
大叔冇耐搭訕問我o地風箏幾錢買番嚟,
Bryan 姨丈問話 $35 一套,
大叔話唔貴,不過唔係幾好放,
然後佢拎咗個米奇風箏出嚟,又做推介,
話呢隻大D靚D 又好放得多,
我見到個線轆咁過癮都有興趣,
我同大叔講如果佢即刻放得起我即買 (當時冇乜風),
大叔二話不說就放起了,於是我就乖乖付鈔 ($70)....


有辣有唔辣,太易放得起成功感冇咁大,
用番傳統、幾經辛苦至放得起似乎會興奮多D






跟住同班馬騮租單車遊海濱公園,一個鐘 $30,夾硬屈班哥哥仔比夠80分鐘我哋

原來大埔海濱公園段路都幾好踩,一個鐘剛剛好,搵機會租耐D 踩遠D 至得



【完】
沒有留言:
張貼留言