上星期某日早，
細雨綿綿，
一如過往搭小巴去火車站。
排喺我前面係一個著校服少女，
我估讀中四、五上下...
排排吓之際，
有個阿叔企喺個少女前面、同少女講：咁多人排，跟我去後邊搭大巴啦...
少女輕輕搖頭，
阿叔又講：去後邊啦，有大巴又有的士...
少女依然搖頭。
兩個沉默咗一陣，
阿叔突然發難：你做乜咁賤架??!
（嚇死我，唔搭大巴好賤咩....）
跟住阿叔又講：呢幾日去咗邊呀?? 同邊個約會呀?? 點解唔返學呀??
少女：......
阿叔好似強忍怒氣，又溫柔咁講：跟我去搭的士啦...
少女：......
阿叔好激動，大喝：你呢幾日唔返學，老師叫我帶你返學呀!!
少女終於開口：我而又冇話唔返.....
阿叔又講：咁跟我去搭的士啦
呢個時候有小巴埋站，
少女跟住排隊隊伍徐徐前行，
阿叔僵立原地滿臉無奈望住個囡...
喺呢個時候，我諗，如果易地而處我會點呢??
...我估都係同個阿叔一樣.....
沒有留言:
張貼留言