恭賀新禧

係遲咗少少，

不過都祝大家馬年行大運，恭喜發財 XD

巡視業務2014

年廿九，迪士尼紅咭竟然可以入園...

見最後有效期就到，嚟緊有唔多似有機會到訪，

於是就請假帶幾個反斗星入場玩一餐。

朋友早一日入園，

SEND 咗幅相我睇，

人多到嚇一跳，

好彩呢一日冇咁誇，幾個細路例牌先去灰熊山谷兜幾轉，

唔知係咪玩得多玩到悶，

之後竟然去玩水...

Bryan 同呢對表姐老友鬼鬼，

希望暑假之旅搞得成，

呢對姐妹又可以跟我哋一齊去玩啦

反正要等請半日假、遲來的媽咪，又見人龍唔長，

班馬騮至肯排隊

可能等 IRONMAN 樂園區開幕至會買annual pass lu~~

2014新年新體驗 - 摘士多啤梨

踏入 2014，

嘗試新體驗，

就係摘士多啤梨。

知道粉嶺附近都有士多啤梨園，

但詳細地址/資料都係要靠GOOGLE XD

打電話去睇吓執咗笠未，

結果係仲有營業，

但係價錢係資料所得o既兩倍...

唯有叫佢哋忍手啲啦

因為 Bryan 上晝有數學比賽，

所以我哋比班老表遲少少到。

Bryan 去到即拎較剪係咁搵靚士多啤梨

士多啤梨貌似幾靚，

唔通係漲價原因?

份量唔多，都要百幾埋單....

即洗即食，又真係幾好食

同埋老表影張合照先~

都算高昂玩意，可能玩過一次就算 XD

又見 BMX Park

而家upate 個 blog 比較遲，

其實係上年年尾o既事.....

某星期日Bryan 學完溜冰，

提議去BMX park 繼續玩，

溜冰兵團都好雀躍，

可惜其中兩個去過玩o既團員因為屋企安排咗節目，

所以冇得去，佢哋好失望呢....

結果 Bryan 又要做嚮導帶兩個表姐認識呢個好玩o既地方

表姐初次玩 BMX，

開初都有啲緊張，

但係玩玩吓就停唔低 XD

Bryan 貌似愈嚟愈淡定

有機會集齊溜冰腳一齊再去玩過~~

紅葉聖誕

今年聖誕幾特別，

就係去咗大棠影紅葉...

原先已經預料會多人，

但估唔到誇張成咁，

我哋慣常係坐小巴去到大棠山道，

然後截的士上到大棠自然教育徑，

呢次去到，

見到車龍幾乎去到路口，

所以我哋只有行路去目的地。

慣例，去咗秘密基地影先

上次嚟就未到紅葉期，

呢次似乎過咗少少...

期間，

有個楂大機o既哥哥仔走過嚟話想睇吓我影成點....

唔通見我爬低又剩??

冇乜好影，

於是乎跟住人龍去影紅葉勝地，

去到見到兩棵已經殘殘地o既楓樹堆滿晒人，

好似行花市咁，

都係去 B 仔食涼粉算..... 下年再見~

2013 平安夜

年年平安夜都會出街食飯湊吓熱鬧，

今年揀咗去沙田。

去翠華食完晚飯就去新城市天空花園影吓相...

一如所料，多人都爆，

但係排隊相當有秩序，

直情係排東京迪士尼遊戲項目咁樣...

 有朋友睇完啲相，

話點解冇人o既，

查實有啲位固然係大家排隊影o既，

但係有更多我係選擇人哋唔會去影o既地方去影

原本話過要再去尖東影燈飾，

最後都係就唔到時間，

唯有等下年lu

時代廣場聖誕佈置2013

話咁快就第四堂溜冰

溜完冰大家話去影吓聖誕佈置，

記得皇后像廣場o既佈置好似幾特別，

就叫佢哋一齊去睇吓，

日頭睇似乎平平無奇，

而且攔住咗冇得入埋去影相....

立即搭叮叮去銅鑼灣時代廣場，

果然有睇頭得多

老友鬼鬼o既老表們

最後一幅全家福作結