【DAY 7】瀨戶內海國立公園 --> 德島市

食完飯行落嚟，
原來呢度叫瀨戶內海國立公園
影吓打咭照唔錯

 附近有手信店，又可以行吓

原來鳴門出名蕃薯，即鳴門金時，
呢度有好多蕃薯製品，
啱晒團友甲

團友直頭買埋新鮮蕃薯返屋企

告別鳴門，出發去德島市。

曾睇過有blogger 講，
阿波舞祭期間塞車塞到暈，
所幸我哋只係喺德島市市區一帶塞咗一陣就到酒店。

搜集資料時已知阿波舞祭期間，
遊客超過一百萬人，
所以房源非常緊張，一房難求，
我哋已經喺半年前、東橫INN開放預約當晚填晒資料，
一俟夠鐘就按確定，
結果所有房間秒殺，
我同團友都係book 唔到房，
認真誇張。
我哋一面做定plan B 準備: 就係先book定高松房間，
喺德島阿波舞祭玩到8點零鐘就要閃，
搭JR返高松。
另一面每日睇睇東橫INN 有冇死雞執 – 想想也知執到兩間房係難如登天，
再每日勤上Jalan、樂天睇吓有冇房放出，
卒之大概兩星期後，
團友見到樂天網、德島縣前第一飯店放出十間房，
二話不說就預約 (要信用咭即過數)，
十分好彩。

  
放低行李後，
去德島駅附近行吓，
酒店行去大概十幾分鐘，
團友突然話酒店行3分鐘左右有個車站，
搭一個鐘就到德島駅，
我哋就聽佢講行去，
然後佢至講，列車仲有5分鐘就到站，
大家即雞咁腳走去車站，
原來呢個係無人車站，
好彩神沙多，買得切車票

  
呢個車站叫阿波富田，
好快列車到站，
成車企滿人，
大部份人係浴衣裝扮，
好有祭典feel

 【待續】