比四萬十呢個地方深深吸引我，
我仲查地圖搵呢個地方究竟座落日本哪處，
查完後自覺都幾難會去到。
但世事嘅嘢....
今日終於踏足呢個地方，
感覺興奮耶。
由於中村車站附近的租單車店已結業，
要租單車就唯有到四萬十市觀光案內所
電動單車租金比一般單車貴一倍，
要2000 YEN，
但我哋經過島波海道嘅洗禮，
毫不猶豫就選了 😄
出發!
觀光所有提供單車路線圖，
順利經過紅鐵橋
電動單車十分好踩，
尤其我哋經過島波嘅洗禮感受更加深😂
我一家不知不覺拋離團友甲同團友乙
去到一個有樹蔭地方我哋停低等候團友，
期間收到團友甲發來嘅whatsapp，
原來團友乙不慎炒車，
幸無大礙，
不過就無法完成餘下旅程，
團友甲叫我一家繼續踩去沉下橋，
佢哋會喺觀光所等我哋…..
Bryan 聽到呢個消息,
第一時間表示共同進退，
叫我哋踩返轉頭搵團友。
再次未能完成單車之旅雖然有啲可惜,
但我對Bryan 表現出嘅同理心感到十分高興 😀
回程咯
觀光所還咗車，
過隔離物產館買吓手信，
物產館入面有個小型休息區，
可以去自動販賣機按罐嘢然後坐低休息吓，
團友乙又可以休息多一陣
是 “日本最後的清流” 關係嗎?
睇嚟大米都係當地名物
【待續】
沒有留言:
張貼留言