【DAY 11】漫遊內子町 - 內子座 & 上芳我邸

森之國去松山市大概兩個鐘車程，
想途中比司機大佬休息兼行吓，
就喺大概一個鐘車程嘅下灘同內子町二選其一，
想想冇落日美景嘅下灘太遺憾了，
好快就決定去內子町行行。

先去出名嘅內子座

原來明後兩天有公演，
今日休息做預備工作，
冇得入去參觀了 😢 

 

即刻前往內子另一知名景點 – 上芳我邸

買飛先

  
其實似參觀古時豪宅多

  

去到木蠟展覽室，
有模型同影片介紹製造木蠟過程

  

 

芳我家製木蠟飛黃騰達，真係有辦法，
模型展示緊芳我家家主招待貴賓

 
內子真係鳥不生蛋之地，
靜到一個點….

再見啦，內子
呢度內子唔係解作老婆，呢度內子唔係解作老婆，呢度內子唔係解作老婆
好重要要講3次😂😂

途經道之駅又解解手，睇吓嘢。
呢度景色不俗

又有戀人之聖地…
近睇啲鎖全部生晒鏽，
好難相信會海枯石爛呢😷 

買個心心鎖?
No la，等生鏽咩😂

都係買嘢食好啲。
媽咪好勁，
差不多每個道之駅都買到嘢 😂

 【待續】