雖然家住粉嶺，
今年至知坪輋舞火龍踏入第三年。
據說紮火龍老師傅以往住薄扶林村，
已有30年紮火龍經驗，
遷往坪輋想將呢個傳統流傳下去。
我一直想睇火龍，
不過大坑實在太遠，
而家附近有個山寨版，
梗係要觀賞一下，
中秋節當日早早食完飯打算搭的士去坪輋，
點知等咗半個鐘至有車，
其實經過嘅的士唔少，
不過大部份係冚咗旗嘅，
唉，難怪香港的士司機成日比人鬧😖
好彩我哋預早咗時間，
去到時間啱啱好
聽說舞火龍的係由一班村民和一班義工組成，
熱血有餘而經驗不足，
火龍上的香火亦略嫌唔夠鼎盛，
希望佢哋愈做愈好，
將呢項傳統發揚光大啦
沒有留言:
張貼留言