不過個個都懶起身，
尤其Bryan 佢哋呢班細路，
據講玩啤牌遊戲玩到成三點
卒之起身check out，寄存行李後就去澳門銀河食早餐。
我哋鎖定咗去翠華食，因為有個阿嫂有$500 coupons
早餐相當貴，$50 一份，如果唔係有coupons 真係唔會嚟食...
食完早餐行出去見到有藍精靈佈置，原來係宣傳電影版藍精靈2，
梗係要同Bryan 影吓相先啦
煞有介事要求消費滿$200 至換到一張遊戲券，點知係玩咁流o既遊戲
銀河做緊唔知乜嘢抽獎，相當庸俗下，我諗起周啟邦夫婦....
跟住就去咗官也街掃街....
呢間出品o既牛什相當腍兼入味，近幾次嚟都有幫趁
去莫義記買嘢比細路食都係指定動作
下到咁上下，我提議阿哥們陪老媽去賭場玩兩手，
我就帶班細路去童夢天地玩，
之前去過童夢天地同Q立方，我覺得童夢天地好啲，
因為有街機打，又有個射籃球機，
大人陪細路比較有細藝
排到我哋，個職員同我哋講，遊戲機區域維修緊，問我哋介唔介意?
梗係介意啦~~
於是立馬轉去 Q 立方 XD
行去威尼斯人途中見到金沙城，補影番幅相先
【待續】
沒有留言:
張貼留言