澳門行2013 - PART 1 金沙城喜來登酒店

Bryan 表哥將會去英國留學，

有提議雷門一家人去澳門玩玩當同表哥仔餞行，

就咁樣，8月9日，一行15人浩浩蕩蕩咁出發澳門~

我哋呢次揀咗金沙城o既喜來登酒店宿一宵。

喺登記入住期間，食吓免費派發o既爆谷先 - 不過味道認真麻麻....


房間都幾大幾OK o既



等Bryan 介紹吓個屎塔 XD


呢間房景觀都算唔錯，望泳池景，

老表家姐都話要同表哥玩夜啲，所以呢間房係幾個細路住o既~


大家都肚餓，擺低行李就先去foodcourt 醫肚，

啲嘢食偏貴，完全唔值


食完嘢再抖吓，將近六點，

行經大堂，離遠望到卡通馴龍記o既飛龍- 無牙仔o係度同遊客合照，

我哋趕過去時只有一個外籍家庭排隊，

當排前面o既外籍家庭行出去準備合照時，

無牙仔竟然掉頭走!

外籍家庭當堂O晒咀，

工作人員都有啲狼狽，想叫無牙仔返轉頭，

無牙仔一意孤行走人，應該係交更時間，

問題係冇理由欠缺溝通仲任人排隊家嘛。

外籍家庭冇癮離開，我哋都諗住走人，

有工作人員同我哋講，六點鐘史力加會出嚟同人影相，

距離六點只差三分鐘，當然等吓啦，仲係頭位tim...

史力加真係好nice，一出嚟就攬住排頭位o既Bryan


跟住叫Bryan 出去影相


影番張全家福先


有官方攝影師影相，話咁快就print 張相出嚟促銷，

一張相連相架盛惠$320

....真係睬佢都傻。

由於今晚預訂o既餐廳 -- 華士古餐廳，唔喺氹仔呢邊，

除非打的，否則就要好似餐廳比我哋o既建議咁，

先由金沙城搭接駁巴去港澳碼頭，

再由港澳碼頭搭番皇都酒店o既專車 (華士古餐廳在皇都酒店內)。

所以影完相就要坐接駁巴lu~~


【待續】