我哋選擇慢條斯埋方式旅行...
我哋十點幾鐘至離開賓館去酒樓飲茶，
間酒樓就喺賓館對面，叫「新海利」
D 嘢食整體上都唔錯，開頭睇個價錢牌嚇一跳，
乜同香港差唔多o架...
睇清楚原來堂食通通五折，
好似我哋坐貴賓房（唔使等位）就有六折。
過完關後，
搭免費車去威尼斯人，
今次目的地係睇 冰 Fun 世界
大人們對此無甚興趣，
於是就由我帶班化骨龍去睇 & 影相相....
我知自己影相有時忘我得滯會阻時間，
所以一向同其他人去旅行就會影少 D 相，
免阻大家時間，
呢次冰 Fun 世界由我主導仲唔影番夠本??!
（我呢個習慣非常唔好，返屋企睇相至發覺、
團體相冇都不特止，大人被攝入鏡頭o既相少都幾乎冇，後悔ing.....）
之前同 Bryan 講過吓，令佢極期待o既冰冰 SIR 滑梯...
綜合好多 blogger 意見，
都係話入面凍到飛起（零下15度，的確好凍），
捱咗廿分鐘左右就要閃。
我係怕凍之人，
所以叫定其餘人等預我哋半個鐘出番嚟....
結果我哋頂足9個字至閃，遲晒大到...
之後搭番免費巴去新馬路，
諗住去添發食煲仔翅，
不過見到條人龍即打退堂鼓....
結果去咗義順食公仔麵 + 我至愛o既木瓜椰奶
食完就過番去鉅記買手信，
呢次真金白銀，唔係混吉試食o架
我哋抽住行李、拎住手信、
D 嘢食都未落格就要趕去訂定位o既富士葡式美食，
呢間嘢係一個新相識o既澳門朋友介紹，
原本我哋想訂埋燒豬o既，
但係佢哋話一訂要訂一隻，大概 $650 上下，
我哋嫌貴放棄了...
呢味係好出名o既燒雞釀飯，
比人肢解咗我至記得影番張相
食飽後我哋趕去港澳碼頭，
諗住睇吓有冇得執雞提早閃人，
我哋望到輪候人龍都打定輸數，
最後只好乖乖照原定船期返港
【全卷完】
沒有留言:
張貼留言