晨早起身，
約咗大佬佢哋去上水食早餐然後搭車元朗再轉車去深圳灣口岸，
喺蛇口碼頭再搭船過珠海，
原來 Bryan 係免船飛 o既，
又慳一百
中午前終於抵達華僑賓館，
老實講，
酒店房間設備比較殘舊，
不過就價錢論，性價比就相當之高...
據聞價錢大概五六佰質素就非常好，有機會都會試試
我哋擺低行李就即出發去拱北過關去澳門...
抵達關閘，
有大量免費旅遊巴載遊客去不同o既賭場，
我哋打算去官也街一帶搵食，
於是就排隊等候去銀河o既旅遊巴，
喺銀河對面就係氹仔舊城區，
我哋率先幫趁旅遊書有介紹、食家韜韜讚不絕口o既達榮魚翅麵...
店面都有韜韜o既大照
味道一般o既魚翅湯麵，盛惠 $45
唔知魚翅藏身喺邊o既魚翅球就幾好食
順帶一提，嗌咗一杯凍奶茶，
小弟覺得好難飲.....
食後不禁懷疑，唔通韜韜同呢間店有關係o既?
我哋之後就去官也街逛逛兼掃街，
先食莫義記o既大菜糕，
然後掃（唔記得乜嘢名）牛什，
食完真係有魚翅不如牛什之感...
胃部仲有少量空位，
試埋鉅記o既各式牛肉、豬肉乾就啱啱好
由街尾試食到街頭，
見到又有免費車返銀河...
去到銀河我哋又搭免費去威尼斯人
（而家賭場幾乎提供免費車去各處，D 公共交通點營生o既呢）
去威尼斯人o既目的，
就係同班化骨龍去玩 Q立方
第二級別 o既 SIR滑梯，
竟然得年紀最細o既 Bryan 夠膽玩
其實起點處都幾垂直吓，
Bryan 玩之前都頻呼好驚、好驚...
最高級別o既 SIR滑梯接近90度，
Bryan 都要投降了
分組玩足球機，仲吸引三兩個小朋友過嚟組隊對壘
最令佢哋 happy 竟然係玩捉衣因
玩足兩個鐘，佢哋意猶未盡，不過都要 say goodbye la
行行吓，侄女話發現海報有我個大名
我都要影番張留念
集合返去賭場見識o既大人們，
就去金都食自助餐...
大人假日價 $200，相當抵食
自助餐途中同兩個大佬見識金都個賭場，
賭額比威尼斯人細，啱晒我...
拎住賭本試試運氣，結果....
原本行程係計劃睇光影大三巴，
考慮要過對面海，
又唔知過關情況，
最後只好作罷
又有免費車搭去關閘
返到珠海，搵到間店按咗一個鐘腳.... 舒服晒
【DAY 1 完】
沒有留言:
張貼留言