大鬧假日農場

中秋節翌日，例牌假期。

我哋一家加埋兩個姨甥去咗假日農場玩


雖然佢網頁話需事先預約，

不過打過電話去問，

walk in 入去玩都冇問題。

我哋依網頁交通指引教方法搭小巴再行去農場，

點知去到發覺原來有好多分叉路，

最慘係冇路標指引，

我哋都係是旦撞一條行、遇到原居民又問吓路咁，

結果都試過行錯路打回頭

最後我哋決定跟喧鬧聲方向行，

好不容易終於到達農場...

入場費盛惠60大元，

門口阿姐話滑梯飛氈之類遊戲要點幾鐘至開始，

於是我哋就四處遊覽吓先

買魚糧餵吓魚

所有遊戲都係手工造，感覺好 RAW 又好玩

呢個時候聽到廣播話遊戲啟動，可以過去 SIR 滑梯玩飛氈...

班嘩鬼即刻話要過去玩

先玩樹屋滑梯

玩幾勻 XD

吊籃都好似幾好玩




倒轉咗

落地又跑去玩多轉樹屋

跟住係戲肉

激波船




震盪高搖板

工作人員都話佢哋員工放工都成日偷呢個，好好玩~

親子樂飛馳

同埋爹哋、媽咪玩又得，自己玩都得

阿拉飛氈.... 呢個激得多，Bryan 思前想後至夠膽玩

負責人話齋，挑戰咗一次之後就勇氣大增啦

廣播聲又起，通知星球大戰開始咗啦

於是班嘩鬼又拿拿聲趕去

星球大戰係乜東東呢??

其實只係將 D 波拋入 D 設置好位置桶入面，

不過見大班細路、無論拋同去下面執波都玩得好開心

等咗好耐佢哋至肯去其他地方行行

假日農場都幾多嘢玩，

細路一定玩到樂不透支，

下次一於班多 D 人馬再玩過

【完】