就順便去 Shirley 同事介紹日本料理店食嘢。
據 Shirley 同事講，
佢朋友食過呢間嘢，
三文魚壽司塊三文魚大大塊，
媲美元朗田中料理。
（註︰我哋呢D草根，係識搵呢D貨式)
我夠知灣仔佳文食壽司新鮮好多...
好彩帶埋 OPENRICE 地圖，
唔算困難就搵到間嘢。
我哋到達青森料理果陣 5 點都未夠，
諗住佢會似田中料理咁有午休時間，
望入去店面見一個客都冇，
幾個店員坐埋一角食嘢，
真係有落場 FEEL 喎
正想望下有冇牌顯示營業時間，
有一家人就入咗去，
同一時間，
我至見到門口棟住個牌寫住 “營業中”
入到去都係叫 D 平時去田中 & 大盛食開嘢，
試吓佢哋分野嘛。
清酒煮蜆
蜆冇味、湯唔覺有清酒味
同我最喜歡，大盛辣酒煮蜆差得遠...
幾款壽司，味道唔錯。
鰻魚壽司
Shirley 同 Hoyin 食，冇問佢哋味道如何tim...
自家製餃子
不過不失
狼吞虎嚥中
最後嗌多個銀鱈魚同兩客壽司
銀鱈魚都係不及大盛...
Hoyin 話最 like 蟹子壽司
埋單三百個大洋
結論︰
青森料理不過不失，
不過對我哋黎講路途遙遠，
應該冇下次 lu
食完都係六點，
唔想咁早返屋企，
於是遊輕鐵河，
搭去元朗 B 仔涼粉，
歎埋個芒果冰至返歸~
沒有留言:
張貼留言