由於老表同堂姐們都要應付考試，
Hoyin 又要自己搵節目喇。
今日同 Hoyin 去屯門探靚蝦王。
同以往一樣，
先去蝴蝶邨百佳買兩袋甘筍準備餵馬…
馬房附近多處地方都有「嚴禁餵馬 免生意外」類似指示牌，
不過眼見工作人員其實都不太理會我哋呢D遊客，
我估指示牌用意係一個免責聲明嚟啫。
雖然係咁，
都唔可以做得太揚。
我都係吼工作人員行開時候
至拎兩碌甘筍餵吓靚蝦王同摸吓佢，哈。
今日啱啱馬會轉播海外賽事安田紀念盃，
港隊馬全軍覆沒，
以往港隊馬就只有靚蝦王可以凱旋而歸，
隻馬幫馬主賺咁多錢又攞咁多采，
結果都要喺小小馬房度終老，慘
照計應該同翠河之類馬王咁，
喺澳洲頤養天年家嘛
覺得呢個位光影唔錯，
多影咗幾張...
Hoyin 餵馬連環圖
仲有幾隻馬可以餵...
餵完馬去青森料理食嘢，
食完嘢準備搭輕鐵去元朗，
喺輕鐵站外見夕陽西下又影吓…
輕鐵到站lu.... 拜拜 
沒有留言:
張貼留言