父親節閒遊長洲

父親節約埋 Hoyin 姨媽一家同去長洲，
坐豪華位梗係要去出面吹下海風影張相啦~



抵埗第一件事去我久違咗英皇茶餐廳，
食每次必食英皇三寶


大檸橙



楊州炒飯



焗雞中翼



食完就出發去海灘玩水砌沙 lu
今日天氣唔錯呀



Hoyin 下水英姿



其實今日咁好天氣想帶大機出街，
不過孭咁重嘢真係幾惡頂，
最後都係帶部防水DC -- TS1 算數。
...好彩有呢個決定，
食完飯返到屋企已經十點幾，
Hoyin 喺火車已經瞓到隻豬咁...


結果媽咪要抱 Hoyin 而我要抽 3 個人嘢，
如果加埋我副大機架生就....
亦因為突然抽多咗嘢同埋天性大懵...
我落小巴竟然漏咗 Hoyin 背囊
其實落車冇耐已經發覺，
唯有即跑去小巴站頭截停架小巴...
點知去到唔見果架小巴 （小巴基本上要排隊上客返火車站，照計實截得到）
後尾有個小巴司機同我講有Ｄ小巴係直接走人返火車站載客，
唔會喺度排隊...
oh my god...
個好心小巴司機建議我搵多個人落嚟守候，
我就返火車站兩面包抄...
我決定返返自己屋苑樓下個站守候（因為係必停之站）
就喺一個紅綠燈位我見到果架小巴啦，
而且見到車頭位置有白色之物...
疑似係 Hoyin 個背囊。
喺違法情況下出馬路... 最後終於物歸原主...
返到屋企，媽咪話 Hoyin 知道唔見背囊後話唔緊要啦...
.....不過要爸爸負責任