但立立糯糯最後交個波比我plan，
然後我愈plan 愈痕，結果去埋一份….👅
由於只有個零月準備，睇咗紅葉予想，
再喺google search “東京紅葉最佳” 睇吓blogger們嘅推介，
揀幾個合心水的拼拼湊湊就成行，
好彩全體團友都去過東京，又夾慣夾熟，所以冇乜壓力，
大家旨在有紅葉望吓，吹吓水輕輕鬆鬆減吓壓就OK 😁
大無畏選搭HKE，一來比較平兼航班時間合心水，
二來一路以來冇乜對我唔住決定信多佢一次😎
結果準時上機，
但就因為航班管制喺跑道呆等個幾鐘至起飛😰
到達成田機場，用兌換券到SKYLINER劃位先
便利店買三文治充飢
大久保民宿擺好行李，即落新宿，
原本諗住配眼鏡的，
因為航班delay成兩個鐘，去到都接近關門，
但都望兩眼，諗住有啱心水的可以過2日再嚟配
到伊勢丹樓下超市睇生果，
見到呢個巨型蘋果叫世界一 (失敗，唔記得影比較照)
最後我哋夾份買個返去試 –
結論係隔晚樓下便利店98 yen一個嘅蘋果都KO佢😂
晩餐時間，
Plan 咗去食tabelog 高分店 – curry 草枕，
點知…頂，臨時休業😖
見到燈火通明，可能比人包場吧
【待續】
沒有留言:
張貼留言