【DAY 6】伊根早晨

記得出發前曾經同團友講，

基本上每日都會早出晚歸，

唯一可以早睡然後又睡到日上三竿，

只有去伊根果日...

誰知Alex 介紹伊根朝早6 - 7時有魚穫回送，

運氣好可能睇到大魚解體...

於是我哋今早5時左右就要陸續起身

去到疑似接收魚穫地點見唔到有人，

一度以為去錯地方，

再等多一陣，

漁市工作人員開始準備工夫，

然後見到遠處有漁船回航

第一次咁近距離睇到漁穫回送

 

發現 Alex (白衫那位)，

原來佢都要晨早來入貨準備食材

可惜似乎魚穫一般，

冇 Alex 出示比我哋睇嘅圖片、

活像 Tore Tore Market 鮪魚解體般嘅大魚

按昨日 Alex 圖片所示，

似乎漁夫會將魚穫殘渣給海鷗餵食，

但我哋只係見到一大群烏鴉守候在一旁，

sorry 我以貌取雀，

冇興趣影令人發毛嘅畫面，

加上落住毛毛雨，

於是就返旅館等食早餐

【待續】