【DAY 6】傘松公園

到達

往返傘松公園，

可選擇坐纜車或吊椅 (PASS 俱包)，

講好玩梗係坐吊椅，

但去旅行樣樣試吓好啲，

所以我哋選擇上去時坐纜車，

落去時坐吊椅 (因可直望沙洲風景)

 

 

天橋立最出名最搞鬼之處，

係據稱俯首從兩足之間望去，

天橋立似天上架起的橋...

我慧根差，

點睇都唔似，

不過都有從俗影番呢啲相 XD

好似話用泥餅穿過去會願望成真

只可以話日本人生意頭腦超好的說

我都買咗HELLO KITTY X天橋立精品

送比今次旅行多番協助我、精通日語嘅好同事

離開傘松公園，

Bryan 一馬當先，

話要率先試坐吊椅。

我同老婆十幾年前喺藻岩山已坐過吊椅，

吊椅望落冇安全索帶好似好危險，

但反方向諗亦知道其實好安全，

事實吊椅好平穩，

亦近地面，

 所以都唔好諗多咗會覺得緊張刺激 XD

事前比咗THETA S 360相機比 Bryan 自由發揮，

盡量多影，

後來發覺佢都幾聽話，

影咗有幾十張，哈哈

 

 

 

另類全家福，

影到我喺後面，

媽咪坐緊吊椅落嚟 XD 

呢度爆番個小插曲，

姨媽落吊椅時背包勾住張吊椅，

驚呼了一聲，

工作人員即緊張按停了吊椅，

所以媽咪喺吊椅度吹風咗分嚟鐘

 

 

 

【待續】