因為是晚喺沙田稻香訂咗酒席做冬兼同外母賀壽。
之前已風聞沙田新城市廣場星光花園好靚吓，
上網搜集資料知道下晝四點開派即晚表演入場券，
我哋三點鐘去到已經見到一條人龍，
二話不說排埋一份。
好彩排咗唔夠半個鐘就提前派飛，
更好彩係職員多發左幾張飛比我（原本一人限取兩張），
Bryan 可以邀請埋表哥表妹一齊去 ~
我哋拎咗是晚 9點 門券，
當我哋提早10分鐘到場，
已經見到一條唔講得笑人龍等候進場，
咁多人.... 我哋入到去都已經冇晒位，
又好彩有對小情侶讓個位比 Bryan 攝入去睇....
因為要實 Bryan，
查實我都唔清楚得果8分鐘表演好唔好睇，
果日帶咗部相機，
都想留個紀錄，
當我拎部相機搞好晒setting 準備按快門之際，
現場燈光全滅，
隔離龍友見狀都失笑
結果一幅相都冇....
離場準備離開，
見到場裏竟然有間 bar -- 就係 Starry Bar...
我見個裝潢幾過癮又冇人，
問吓賣票妹妹收費如何?
原來捐 $50 就可以有兩杯「 星の飲品」 （我覺得好難飲）同一塊 Starry曲奇，
呢個妹妹仲暗示我哋可以偷偷運小朋友入場，不另收費。
為咗影呢個景，又為咗唔空手而回，
我就乖乖捐獻...
星光下的 Bryan
星の飲品來啦~
Bryan 表姐表演完冇落妝，個樣好搞笑 ~
【完】
沒有留言:
張貼留言