12月3日星期六‧晴
兩三星期前朋友告知馬會搞咗呢個親子活動...
連忙喺網站登記取票。
日子臨近，完全忘記咗呢件事，
好彩有朋友提醒至記得去投注站取票....
是日至可以一家到馬場玩玩....
集齊五個蓋印可以換取同馬仔合照機會，到處攤位都大排長龍，呢個冇乜人排，玩咗先 XD
出發去睇示範釘馬甲，途經處見到彩虹，影低佢先
示範完工作人員會問問題，答中可以得到一個馬蹄鐵紀念品，由於我哋嚟遲咗根本唔知答案，幸得隔離已答中問題姨姨出口襄助，Bryan 拎到紀念品一份
遇見球迷會老友一家..... 佢個囝真係好耐冇見....
Bryan 都有喺石頭繪畫，佢話佢個完成品係怪獸嚟
之後 Bryan 去咗騎馬，要先預售門票，盛惠$50....
見有小女孩騎侏儒馬，我都想 Bryan 試騎吓，
可惜工作人員話 Bryan 超磅
準備出發....
家長亦都即刻要兜番去出面準備接囝囡同最後衝刺影相.....
點解要即刻呢，因為只係騎半個圈仔.... 搵笨過大棠多多聲
既然係咁，影多幾張夠本
工作人員就多過大棠 XD
之後去排貌似幾好玩賽馬競技.... 排隊期間得悉五個蓋印換票行動已經額滿，都好，唔使又排餐死....
有大馬細馬揀，Bryan 揀大馬同媽咪一齊玩，玩完之後後悔，因為唔夠腳長，冇得比佢控制，話早知自己一個玩細馬 XD
同大多數受歡迎遊戲一樣，排餐懵只係玩得分零兩分鐘.....
【完】
沒有留言:
張貼留言