可樂罐 【我的小小收藏】

契妹 Kenness 之前去上海世博買咗可口可樂鋁瓶比我做紀念品，
真係抵錫....
不過大家一直都安排唔到見面，
有次卒之見到面佢又唔記得帶...
直到最近各散東西舊同事大聚會，
鋁瓶終於到達我手...





儲可樂罐其實係接近廿年前任職航空公司嗜好，
當時好容易就可以去旅行，
到當地見有特式可樂罐就買嚟當紀念品，
久而久之，
喺香港見到有鋪頭有特式都會買嚟儲，
之後上網 bid 又有，
最後可樂精品都唔放過....
而家諗番都覺得好嘥錢。

唔知算唔算係幸運，
呢個嗜好直到 Bryan 出世就宣告放棄...
因為屋企細，
原本細書房擺滿可樂罐、樽、精品同日本漫畫，
因為隨著 Bryan 出世要改造為BB 房，
漫畫要割愛出售，
可樂樽唔捨得賣索性送比兩位有同樣嗜好友人（只係剩番幾個鋁樽珍藏），
至於可樂罐，就比我左塞右塞擺放屋企各處...

以下係其中一部份...

或者有日我中咗六合彩，
買間大屋會延續番呢個興趣 XD