上月某日睇蘋果日報，
話一間叫南灣海景酒店做promote，
兩大一小1晚酒店連早餐 + 兩日海洋公園門票只需$1088。
即係酒店房間同個早餐係免費咁滯，
即刻約埋姨仔一家book 咗8月22 – 23號去玩
22號當日，
要先去酒店登記攞門票，
然後至搭的士去 OCEAN PARK。
路程都好近，
跳咗一次錶就到。
今日我哋 plan 咗重心係玩夏水禮，
聽日閒日諗住冇咁多人就逛逛海洋館之類…
入場先睇熊貓館
呢兩隻熊貓我幾次嚟都係咁樣，
我懷疑係蠟像嚟。
唔明點解長隆果D係粗生粗養就鬼咁精靈，
唔通香港呢D歎得滯??
行完熊貓館，見高台跳水同雜耍仲有一個鐘就有表演，
於是決定去附近大熊貓餐廳速決個午餐然後睇表演。
第一次幫趁呢間餐廳，
我評語係：貴夾難食
玩攤位遊戲戰利品
睇完表演同班表演者影相留念
我都係第一次搭海洋列車
今日重頭戲 – 夏水禮
玩完準備搭纜車返正門，
經過太平洋海岸，
同海獅玩吓先
已是近黃昏
途經海洋劇場，
原來六點有加場表演。
少咗好多人，
順利霸到個靚位。
今日經過滑浪飛船同旋轉木馬，
班細路話想玩，
但實在太多人，
於是開定期票，
聽日同佢哋玩，
咁即係意味我哋要好早起身…
又係食晚飯時間，
我哋先去香港仔中心搵嘢食，
買埋生果至返酒店…
好攰....早抖~
[第一天完]
沒有留言:
張貼留言