返到盛岡接近3點，見到車站前有表演
睇咗一陣就閃，因為要趕去霸位
我同司機大佬負責霸位，其餘人喺酒店房間休息。
由於尋晚青森睡魔祭路程太遠，
有團友表示腳痛，
於是去到現場諗住求其霸個就近位置，
好快就搵到，見到左右都有日本人鋪地蓆，
諗住實冇衰，
我都向前方行到廿零三十米，
發覺都冇位置容納到五個人坐，
於是就當搞掂
whatsapp團友，原來個個已入夢鄉，
我做咗個大膽決定，
就係返酒店瞓埋一份😂
休息咗個幾兩個鐘，
返返現場等睇祭典
去檔攤買嘢食先
開始多人
咬咬吓嘢，望下對面，
發覺右面有啲嘢...
終點?😱
跟住見人推壇嘢出嚟
嗚，擋住視線😖
又到暖場時間
等多一陣，盛岡小姐出場了，宣布三颯舞祭開始
位置欠佳，除咗終點柱擋視線，
亦因為有舞者可能已經力竭，
臨近終點會有啲hea (一部份啫)，
同埋個別負責打鼓的會企喺兩旁繼續打鼓等齊所有隊員，
亦即係企正我面前，
更加遮擋視線，
好處係拍到另類小品😜
千祈唔好話我淨係影靚女
絕對係誤解
天色已漸沉
不過又真係幾嗨嘅
團友話坐到屁股痛，走得未?
我叫佢哋走先，
盛岡大學都未出場，點走得?
我趁佢哋執拾地蓆離開，
我就行去前面，但行人道好擠人，
其實都係行咗幾十米 - 起碼未到終點處 - 搵到個企位
大家以為我期望靚女表演，
都說了係誤解，
我最期望就係盛岡大學出場
陣容鼎盛，活力四射，好勁呀
盛岡大學表演完畢，盛岡小姐再次出場
坐喺我前面嘅女士於此時終於離開，
我當然即刻上前坐番個靚位等影相，
點知原來表演已完畢，
接住係與眾同樂時間
好開心嘅哩
以上就係盛岡三颯舞祭記錄
沒有留言:
張貼留言