【DAY 12】台場1:1獨角獸

去JR新橋轉百合海鷗號去台場，
夕陽無限好正係我哋嘅寫照...... 明天就要回港了😫

記得當年帶阿仔嚟呢度睇元祖高達，
時光荏苒，阿仔變成大肥仔，元祖高達都換成獨角獸

去商場行吓街，落番嚟等睇燈光秀，
見到班小妹妹載歌載舞，行近有人舉牌話不准攝錄，
於是學班日本人，離遠影張，
好似係唱高達主題曲，宣傳CD的，

話時話，台下真係好多宅男物體

臨近7點，小妹妹們仲喺度唱歌，
幾驚燈光秀取消，
好彩唔係.... 仲有小妹妹們嘩嘩聲助慶

因為司機大佬喺新橋站book咗枱食燒肉，
睇完show滾水淥腳行去車站搭車，
雖然趕時間，不過見到呢個美景冇法子唔拎部相機出嚟影相

見阿仔睇獨角獸都好開心，不過以後撇甩阿仔去旅行，
唔可以亂開期票，因為阿仔大個仔，唔係咁易打馬虎眼😁