【DAY 5】倉吉 - 圓形劇場

因為尋日去咗梨紀念館，
諗諗可以加插番一個行程 -- 圓形劇場，
反正暢遊漫畫王國鳥取周遊券有包，
距離土藏群又不算遠，
問司機叔叔可唔可以直接車去，
叔叔話冇問題

其實對圓形劇場一無所知，
都係因為周遊券至search下資料，
知道係學校改建，
而家變成模型展示場所。
我哋去到剛剛夠鐘開門，
員工問我哋睇唔睇特別展，
正價票的話加200 yen，
用pass 就加 400 yen，
得我同阿仔有興趣，
咁就二人行啦

特別展係福音戰士模型，正

見到百分百忠實呈現圖片景像，
萬分佩服模型製作人

場館分幾間房，用A、B、C、D....劃分，
去到其中一間房，
竟然撞到團友夫婦，
佢哋話亂逛，無意中撞入嚟，
唔知係特別展區，
的確，每間房都無人看守，
雖然應該有閉路電視，
但主要都靠大家自律。

兩夫婦比我趕走後，
我同Bryan繼續參觀

睇完福音特別展，
會合團友睇吓其他展品

吼! 咬死你

你已經死了!

呢個女優是誰?

冇記錯好似係頂層，
有個模型體驗室，
畫吓面孔咁咁，
可能職員太清閒，

係咁游說我參加😁

上文有講，
圓形劇場前身係學校，
特別保留一個課室比大家緬懷過去

臨離開比Bryan發現扭蛋，

就比佢抽1個

抽之前問佢最想要邊隻，

又最唔想要邊隻，

結果真係抽到最唔想要果隻😂

對模型製品好有興趣或持暢遊漫畫王國鳥取周遊券就可以一遊。